Ղեկավարվելով  «Տեղական ինքնակառավարման մասին»  Հայաստանի Հանրապետության օրենքի 18-­րդ հոդվածի 1-­ին մասի 42-­րդ կետով

Համայնքի ավագանին որոշում է՝

1.Տալ համաձայնություն՝ Հայաստանի Հանրապետությունում 2020 թվականի սեպտեմբերի 27­-ին հայտարարված ռազմական դրության ժամանակ, մարտական գործողությունների հետևանքով զոհված և/կամ/ անհայտ կորած զինծառայողների ընտանիքներին ամենամյա սկզբունքով, Բերդ համայնքի բոլոր հարկատեսակների գծով տրամադրել արտոնություններ 100 տոկոսով:

2.Հարկային պարտավորություններից ազատել.

1)սեփականության իրավունքով զոհված և/կամ/ անհայտ կորած զինծառայողների ընտանիքներին պատկանող հողի հարկից և գույքահարկից, հարկվող օբյեկտ համարվող բնակելի նշանակության շինությունների, իսկ դրանց բացակայության դեպքում՝ այն բնակելի նշանակության շինությունների մասով, որտեղ հաշվառված են:

2)տեղական վճարների համար՝ զոհված զինծառայողների և/կամ/ անհայտ կորած զինծառայողների երեխաները արտադպրոցական դաստիարակության հաստատություններում (երաժշտական և արվեստի դպրոցներ և այլն) կսովորեն անվճար, նրանց ընտանիքները կազատվեն աղբահանության և սպասարկվող բնակավայրերում ջրի տեղական վճարներից:

3)մանկապարտեզներն անվճար կլինեն այն զոհված զինծառայողների և/կամ/ անհայտ կորած զինծառայողների երեխաների համար, որոնց ծնողները, օրինական ներկայացուցիչները կամ նրանցից մեկը մշտապես կամ փաստացի հաշվառված է Բերդ համայնքում: