Ղեկավարվելով ՀՀ Քաղաքացիական օրենսգրքի 188 հոդվածով, ՀՀ կառավարության 18 մայիսի  2006 թվականի թիվ 731-Ն և թիվ 912-Ն որոշումներով հաստատված Ինքնակամ կառույցների օրինականացման և տնօրինման կարգով, հաշվի առնելով, որ նշված  կառույցի պահպանումը չի խախտում  այլ անձանց իրավունքները և օրենքով պահպանվող շահերը, վտանգ չի  սպառնում քաղաքացիների կյանքին և առողջությանը, կառույցը կառուցված չէ ՀՀ հողային օրենսգրքի 60-րդ հոդվածով սահմանված հողամասերի վրա, ինչպես նաև  ինժեներատրանսպորտային օբյեկտների օտարման կամ  անվտանգության  գոտիներում, կառուցված չէ քաղաքաշինականնորմերի ու կանոնների էական խախտումներով, չի  առաջացնում հարկադիր սերվիտուտ պահանջելու  իրավունք

որոշում եմ՝

1.Տավուշի մարզ, Բերդ համայնք, Բերդ քաղաք Նալբանդյան փողոց թիվ 41/1 հասցեում գտնվող 75/յոթանասունհինգ/ք.մ մակերեսով բնակավայրերի այլ հողերի  վրա Գևորգ Գառնիկի Մկրտումյանի կողմից իրականացված 56/հիսունվեց/ք.մ մակերեսով արտաքին չափերով և 40.8/քառասուն ամբողջ ութ տասնորդական/ք.մ մակերեսով ներքին չափերով, ինքնակամ շինությունը ճանաչել օրինական՝ անասնաշենք և գրանցել որպես Բերդ համայնքի սեփականություն:   

2.Օրինական ճանաչված անասնաշենքի իրավունքների պետական գրանցումից 15/տասնհինգ/ աշխատանքային օրվա ընթացքում նշված անասնաշենքը` 56/հիսունվեց/ք.մ մակերեսով արտաքին չափերով և 40.8/քառասուն ամբողջ ութ տասնորդական/ք.մ մակերեսով ներքին չափերով, 159264/ մեկ հարյուր հիսունինը հազար երկու հարյուր վաթսունչորս/ ՀՀ դրամով  և հողամասը` 75/յոթանասունհինգ/ք.մ մակերեսով , 140828/մեկ հարյուր քառասուն հազար ութ հարյուր քսանութ/ՀՀ դրամ կադաստրային արժեքով ձեռք բերելու համար գրավոր առաջարկություն ներկայացնել կառույցն իրականացրած անձին` Գևորգ Գառնիկի Մկրտումյանին:

3.Հողամասի գործառնական նշանակությունը համարել փոփոխված` բնակավայրերի այլ հողերից բնակավայրերի բնակելի կառուցապատման հողերի: 

4.Որոշման կատարման  պատասխանատվությունը դնել  համայնքապետարանի քաղաքաշինության և հողօգտագործման բաժնի պետ Վ. Գրիգորյանի վրա: 

5.Որոշումն  ուժի մեջ է մտնում ստորագրման պահից: