ՄԱԿ-ի զրագացման ծրագիրը՝ ՀՀ Տարածքային կառավարման և զարգացման նախարարության, ինչպես նաև Բերդ համայնքի Վերին Կարմիրաղբյուր բնակավայրի հետ համատեղ՝ Ռուսաստանի Դաշնության Կառավարության աջակցությամբ նախաձեռնել և մշակել է համայնքի 2018-2022 թթ․ համալիր զարգացման ծրագիրը։
Ծրագիրը ձևավորվել է բնակավայրի վրա արտաքին միջավայրի ազդեցության համակողմանի վերլուծության, սոցիալ-տնտեսական ներքին իրավիճակի համալիր գնահատման, առկա ներուժային հնարավորությունների (բնական, աշխարհագրական, տնտեսական, սոցիալական, ֆինանսական, մարդկային) հաշվառման արդյունքում։ Այն համայնքի զարգացմանն ուղղված փաստաթուղթ է, որը հիմք է հանդիսանալու տեղական կառավարման բոլոր մակարդակներում համապատասխան քաղաքականության իրականացման համար։
Ծրագրի գաղափարախոսությունը համահունչ է ՄԱԿ-ի կայուն զարգացման նպատակներին, ՀՀ կայուն զարգացման ծրագրին, Հայաստան-ՄԱԿ զարգացման աջակցության 2017-2021 թթ․ ծրագրին, ՀՀ Կառավարության կողմից ընդունված 2015-2018 թթ․ միջնաժամկետ ծախսերի ծրագրին, ՀՀ Տավուշի մարզի 2017-2020 թթ․ զարգացման ծրագրի նախագծի դրույթներին։
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 4-րդ կետով
Համայնքի ավագանին որոշում է՝
1.Հաստատել Բերդ համայնքի Վերին Կարմիրաղբյուր բնակավայրի 2018-2022 թթ․ համալիր զարգացման ծրագիրը, համաձայն հավելվածի:
2.Առաջարկել Բերդ համայնքի ղեկավարին միջոցներ ձեռնարկել ծրագրով նախատեսված աշխատանքները ողջ ծավալով իրականացնելու համար։