ՆԱԽԱԳԻԾ

Ղեկավարվելով Հայաստանի Հանրապետության Քաղաքացիական օրենսգրքի 188 հոդվածով, Հայաստանի Հանրապետության կառավարության 18 մայիսի  2006 թվականի թիվ 731-Ն և թիվ 912-Ն որոշումներով հաստատված Ինքնակամ կառույցների օրինականացման և տնօրինման կարգով, հաշվի առնելով, որ նշված  կառույցի պահպանումը չի խախտում  այլ անձանց իրավունքները և օրենքով պահպանվող շահերը, վտանգ չի  սպառնում քաղաքացիների կյանքին և առողջությանը, կառույցը կառուցված չէ Հայաստանի Հանրապետության հողային օրենսգրքի 60 հոդվածով սահմանված հողամասերի վրա, ինչպես նաև  ինժեներատրանսպորտային օբյեկտների օտարման կամ  անվտանգության  գոտիներում, կառուցված չէ քաղաքաշինական նորմերի ու կանոնների էական խախտումներով, չի  առաջացնում հարկադիր սերվիտուտ պահանջելու  իրավունք

որոշում եմ՝

1.Բերդ քաղաքի Մաշտոցի փողոցի թիվ 90/իննսուն/ կոտորակ 13/տասներեք/ հասցեում գտնվող 15.1 /տասնհինգ ամբողջ  մեկ տասնորդական/ քմ մակերեսով բնակավայրերի  հողամասի վրա Նարինե Սերյոժայի Երկանյանի կողմից իրականացված 25.71/քսանհինգ ամբողջ յոթանասունմեկ հարյուրերորդական/ քմ մակերեսով ներքին չափերով և 30.38/երեսուն ամբողջ երեսունութ հարյուրերորդական / քմ մակերեսով արտաքին չափերով ինքնակամ շինությունը ճանաչել օրինական՝ հասարակական նշանակության առևտրի սրահ և գրանցել որպես Բերդի համայնքի սեփականություն:  
2.Օրինական ճանաչված առևտրի սրահի իրավունքների պետական գրանցումից 15/տասնհինգ/ աշխատանքային օրվա  ընթացքում նշված առևտրի սրահը` 25.71/քսանհինգ ամբողջ յոթանասունմեկ հարյուրերորդական/ քմ մակերեսով ներքին չափերով և 30.38/երեսուն ամբողջ երեսունութ հարյուրերորդական /քմ մակերեսով արտաքին չափերով` 300762/երեք հարյուր հազար յոթ հարյուր վաթսուներկու/ՀՀ դրամով  և հողամասը`15.1/տասնհինգ ամբողջ մեկ տասնորդական/ քմ մակերեսով, 12231/տասներկու հազար  երկու հարյուր ութանասունմեկ/ ՀՀ դրամ կադաստրային արժեքով ձեռք բերելու համար գրավոր առաջարկություն ներկայացնել կառույցն իրականացրած անձին`Նարինե Սերյոժայի Երկանյանին:
3.Որոշման կատարման  պատասխանատվությունը դնել  համայնքապետարանի աշխատակազմի գլխավոր մասնագետ Դ.Մելիքյանի վրա:
4.Որոշումն  ուժի մեջ է մտնում ստորագրման պահից: