Ղեկավարվելով ,,Իրավական ակտերի մասին,, Հայաստանի Հանրապետության օրենքի 70-րդ հոդվածի 1-ին, 3-րդ և 5-րդ կետերով, հաշվի առնելով, որ <<Սոցիալական ապահովության պետական ծառայության աշխատակազմ>> պետական կառավարչական հիմնարկը Տավուշի սոցիալական ապահովության տարածքային բաժնի աշխատանքներն իրականացնելու համար նախկինում տրամադրված 6 սենյակների փոխարեն օգտագործում է 4-ը և համայնքի ղեկավարի առաջարկությունը Համայնքի ավագանին որոշում է՝
Բերդ համայնքի ավագանու 2015 թվականի սեպտեմբերի 23-ի <<Հայաստանի Հանրապետությանը վարձակալությամբ տարածք տրամադրելու մասին>> N 32-Ա որոշման մեջ կատարել փոփոխություններ ու լրացումներ և այն շարադրել հետևյալ խմբագրությամբ.
1.Բերդ համայնքի սեփականությունը հանդիսացող Լևոն Բեկի 5 հասցեում գտնվող վարչական շենքից 70քմ ընդհանուր մակերեսով ոչ բնակելի տարածք՝ 3-րդ հարկի թիվ 9 սենյակը 19.04 քմ մակերեսով, 19.04 քմ մակերեսով թիվ 10 սենյակից՝ 12.62 քմ մակերեսով-մաս, թիվ 17 և18 սենյակները յուրաքանչյուրը՝ 19.17քմ մակերեսով, 5 տարի ժամկետով, մինչև 2020 թվականի օգոստոսի 18-ը, տարեկան 840 000 ՀՀ դրամ վարձավճարով տրամադրել Հայաստանի Հանրապետությանը՝ Հայաստանի Հանրապետության աշխատանքի և սոցիալական հարցերի նախարարության <<Սոցիալական ապահովության պետական ծառայության աշխատակազմ>> պետական կառավարչական հիմնարկի Տավուշի սոցիալական ապահովության տարածքային բաժնի աշխատանքներն իրականացնելու համար:
2.Որոշումը լրացնել 2-րդ կետով՝հետևյալ բովանդակությամբ. <<Վարձավճարը հաշվարկել 2015 թվականի օգոստոսի 18-ից՝ վերոնշյալ 4 սենյակների համար>>:
3.Օրենքով սահմանված կարգով կնքել անշարժ գույքի վարձակալության պայմանագրում փոփոխություն կատարելու մասին համաձայնագիր: |