Քաղաքապետ Հարություն Մանուչարյանը նշում է, որ Բերդի ԲՈՒԱՏ ԲԲԸ ,,Տաքսի,, ծառայությունը 2008 թվականին Ալինա Մելքումյանից վարձակալել է երկու ՎԱԶ 21074 մակնիշի մարդատար ավտոմեքենաներ և պարտավորվել է կատարել նաև այդ մեքենաների գծով հարկային պարտավորությունները, քանի որ մեքենաների սեփականատերը բացակայում էր Հայաստանի Հանրապետությունից: Ընկերությունը սահմանված ժամկետում քաղաքապետարանին է փոխանցել իր սեփականությունը հանդիսացող մեքենաների գույքահարկի գումարները: Բայց քանի որ ՀՀ ոստիկանության ,,Ճանապարհային ոստիկանություն,, ծառայության Իջևանի հաշվառման- քննական բաժանմունքը Բերդի քաղաքապետարանին չի ներկայացրել Ալինա Մելքումյանին պատկանող ՎԱԶ 21074 մակնիշի մեքենաները հաշվառման վերցնելու մասին տեղեկույթը, այդ մեքենաները չեն մուտքագրվել քաղաքապետարանի գույքահարկի բազայում: 2015թվականին, երբ ,,Տաքսի,, ծառայությունը դադարեցրել է իր գործունեությունը , պարզվել է, որ քաղաքապետարանի գույքահարկի բազայում 2008-2014թթ. չմուտքագրված մեքենաների գույքահարկի գծով առաջացել է 248 հազար 400դրամ չմուծված գումար, որըվրիպելէընկերությանուշադրությունից:
Քաղաքապետ Հարություն Մանուչարյանն առաջարկում է հաշվի առնել, որ ԲՈՒԱՏ բաց բաժնետիրական ընկերությունը Բերդի տարածաշրջանի ուղևորափոխադրումներ կատարող միակ ձեռնարկությունն է, սպասարկում է նաև տարածաշրջանի 7 սահմանապահ գյուղերին, ներկայումս աշխատում է վնասով, գտնվում է ծանր ֆինանսական պայմաններում և կատարել գույքահարկի զեղչ` 79 հազար դրամի չափով:
Ելնելով վերոգրյալից` Համայնքի ավագանին որոշում է
2008-2014թթ. քաղաքապետարանի գույքահարկի բազայում չմուտքագրված ՎԱԶ 21074 մակնիշի, 13LL536 պետհամարանիշով ավտոմեքենայի գույքահարկի գծով կատարել զեղչ` 79 հազար դրամի չափով: |