Բերդ համայնքի բնակիչ Ռոբերտ Ժորայի Աթոյանը դիմել է կառուցապատման իրավունքով իրեն տրամադրված հողամասի կառուցապատման իրավունքը օտարելու խնդրանքով:Բերդ համայնքի ավագանու 30 հունվարի 2012թ. N5-Ա որոշման և Բերդ համայնքի ղեկավարի 7 հունիսի 2012 թ. N 80-Ա որոշման համաձայն Բերդ քաղաքի բնակիչ Ռոբերտ Ժորայի Աթոյանին՝ Բերդ քաղաքի Հայկ Նահապետ 16/1 հասցեում, 50 տարի ժամկետով, կառուցապատման իրավունքով տրամադրվել է 20 քմ մակերեսով բնակավայրերի հասարակական կառուցապատման հողամաս, կադաստրային համարը` 11-002-0100-0020, տարեկան 20000 դրամ վարձավճարով: 2012 թ. հունիսի 13-ին Աթոյանի հետ կնքվել է համայնքային սեփականություն հանդիսացող հողամասի կառուցապատման իրավունքի տրամադրման մասին պայմանագի: Պայմանագրի 4.3.5 կետի համաձայն Աթոյանն իրավունք ունի տնօրինելու կառուցապատման իրավունքը`փոխանցելու այլ անձի ազատորեն օտարելու, գրավ դնելու այն, ինչպես նաև կատարելու այլ գործարքներ` կառուցապատման իրավունքի նկատմամբ:
Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 16-րդ հոդվածի 20-րդ կետով և հաշվի առնելով վերոնշյալ պայմանագրի 4.3.5 կետի պայմանները Համայնքի ավագանին որոշում է՝
Թույլատրել Ռոբերտ Ժորայի Աթոյանին՝ Բերդ քաղաքի Հայկ Նահապետի 16/1 հասցեի, 50 տարի ժամկետով, 20000 դրամ տարեկան վարձավճարով կառուցապատման իրավունքով իրեն տրամադրված 20 քմ մակերեսով բնակավայրերի հասարակական կառուցապատման հողամասի, կադաստրային համարը`11-002-0100-0020, կառուցապատման իրավունքը օտարել այլ անձի: |