Քաղաքապետ Հարություն Մանուչարյանը նշում է, որ տեր և տիկին Մարտիկյանները Տավուշի մարզում աղքատության հաղթահարման ծրագրի հիմնական հովանավորներն են: Նրանք գործունեություն են ծավալել Բերդի տարածաշրջանի շուրջ 10 համայնքներում, ուր իրականացրել են տնտեսական, կրթական, սոցիալական, առողջապահական ծրագրեր, որոնք միտված են մեր երեխաների կյանքը բարեկեցիկ դարձնելուն: Տեր և տիկին Մարտիկյանների հովանավորությամբ Բերդ համայնքը ձեռք է բերել թրթուրավոր տրակտոր, 6 ընտանեկան ջերմոցներ են տրամադրվել սոցանապահով ընտանիքներին, կազմակերպվել է 0-6 տարեկան երեխաների և 18-29 տարեկան կանանց հետազոտություն՝ սակավարյունության դեպքերի և պատճառների բացահայտման նպատակով, սոցանապահով բազմաթիվ ընտանիքներ ստացել են սոցիալական աջակցության փաթեթներ: Բերդի դպրոցներում կառուցվել են բացօթյա սպորտհրապարակներ, տրամադրվել է սպորտային գույք, վերանորոգման աշխատանոքներ են կատարվել թիվ 1 և թիվ 4 դպրոցներում, շուտով կավարտվեն թիվ 1 դպրոցի հրաձգարանի հիմնանորոգումը, մարզադպրոցի մարզադահլիճում եվրոպատուհանների տեղադրումը, կահավորվել է Բերդի արհեստագործական ուսումնարանի խոհարարական դասարանը:Երեխաների համար եկեղեցուն կից ստեղծվել են սիրողական խմբակներ,որոնցում ընդգրկվել են մոտ 300 երեխաներ: Պլանավորված են համայնքի մանկական զբոսայգու վերանորոգումը, նոր կարուսելների տեղադրումը: Քաղաքապետը առաջարկում է երեխաներիկրթությանևդաստիարակության, առողջապահությանևհոգևորզարգացմանգործումներդածավանդի համար տեր և տիկին Մարտիկյանների անունով անվանակոչել մանկական զբոսայգին: Ղեկավարվելով ,,Տեղական ինքնակառավարման մասին,, Հայաստանի Հանրապետության օրենքի 16-րդ հոդվածի 1-ին մասի 21-րդ ենթակետով Համայնքի ավագանին որոշում է
Համայնքի երեխաների կրթության և դաստիարակության, առողջապահության և հոգևոր զարգացման գործում ներդրած ավանդի համար տեր և տիկին Մարտիկյանների անունով անվանակոչել Բերդ համայնքի մանկական զբոսայգին |