Գլխավոր էջ

01.01.21 ԲԱՐԻ ԳԱԼՈՒՍՏ www.berdcity.am ԿԱՅՔ

Ուրախ եմ Ձեզ ողջունել Բերդի համայնքապետարանի պաշտոնական ինտերնետային կայք էջում: Շնորհակալություն մեր աշխատանքի նկատմամբ հետաքրքրության համար: Հուսով եմ` այստեղ կգտնեք Ձեզ համար օգտակար տեղեկություններ, կայքն իր բովանդակությամբ և բազմաթիվ հնարավորություններով Ձեզ համար կդառնա տեղեկատվության լավագույն աղբյուր:

Բերդ համայնքի ղեկավար Հարություն Մանուչարյան

10.07.20 Բերդ քաղաքում հենապատի կառուցման աշխատանքներ են իրականացվում

«Ներհամայնքային ճանապարհների բարեկարգում և հենապատի կառուցում» վարձատրվող հասարակական աշխատանքներ» ծրագրի շրջանակում Բերդի զբաղվածության տարածքային կենտրոնի և Բերդի համայնքապետարանի համաֆինանսավորմամբ՝ Բերդ քաղաքում հենապատի կառուցման աշխատանքներ են իրականացվում:

Ծրագրում ընդգրկված է գործազուրկի կարգավիճակ ունեցող 6 անձ:

Հիշեցնենք, որ նույն ծրագրի շրջանակում հենապատերի կառուցման աշխատանքներ են իրականացվել նաև Արծվաբերդում և Վերին Ծաղկավանում:

09.07.20 Բերդ համայնքում մեկնարկել է 2020 թ.-ի ամառային զորակոչը

Այսօր՝ հուլիսի 9-ին, Բերդ համայնքում մեկնարկել է 2020թ.-ի ամառային զորակոչը:

Պարտադիր ժամկետային զինվորական ծառայության են մեկնել առաջին զորակոչիկները՝ պատվով ծառայելու, հայրենիքը պաշտպանելու ամուր կամքով ու վճռականությամբ:

Զորակոչիկներին խաղաղ ու անփորձանք ծառայություն են մաղթել Բերդ համայնքի ղեկավար Հարություն Մանուչարյանը, ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանման ղեկավար, փոխգնդապետ Լեռնիկ Բաբայանը, Բերդի և տարածաշրջանի հոգևոր հովիվ Տեր Արամ քահանա Միրզոյանը, «Անառիկ Բերդ» ՀԿ-ի նախագահ Շուշանիկ Մելիքբեկյանը:

Մանրամասները կներկայացնենք ավելի ուշ:

07.07.20 Զորակոչը մեկնարկում է. հորդորում ենք խստագույնս հետևել պարետի ցուցումներին

Բերդ համայնքի հարգելի՛ բնակիչներ,2020թ.-ի ամառային զորակոչը մեր համայնքում մեկնարկելու է հուլիսի 9-ին:Հաշվի առնելով մեր երկրում ստեղծված իրավիճակը՝ պայմանավորված համավարակով, Խնդրում և հորդորում ենք՝խուսափել բազմամարդ միջոցառումների կազմակերպումից:Խստագույնս հետևել պարետի ցուցումներին՝ հանուն բոլորի առողջության:Միաժամանակ տեղեկացնում ենք, որ զորակոչի հաջորդ օրը ծնողներից մեկը հնարավորություն կստանա ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանումում օնլայն տեսակապով հետևել զորակոչիկների վիճակահանությանը:Հարցերի դեպքում կարող եք դիմել ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանում:Խաղաղ ... Մանրամասն

03.07.20 Դաշտամիջյան ճանապարհների բարեկարգման աշխատանքներ՝ Վերին Կարմիրաղբյուրում

Վերին Կարմիրաղբյուրում իրականացվել են դաշտամիջյան ճանապարհների բարեկարգման աշխատանքներ:

Բնակավայրի վարչական ղեկավար Կամո Չոբանյանի խոսքով. «Գրեթե անանցանելի էին հացահատիկահավաք կոմբայնի համար նախատեսված ճանապարհները: Դրանց մի մասն արդեն բարեկարգ վիճակում է: Աշխատանքները շարունակվում են»:

01.07.20 Ինչպես խուսափել թունաքիմիկատների օգտագործման հետևանքով առաջացող առողջական խնդիրներից

Բերդ համայնքի հարգելի՛ բնակիչներ, Թունաքիմիկատների օգտագործման հետևանքով առաջացող առողջական խնդիրներից խուսափելու համար հետևե՛ք ՀՀ առողջապահության նախարարության ցուցումներին:Թունաքիմիկատներով թունավորումների կանխարգելումԻնչ է թունաքիմիկատըԹունաքիմիկատը թունավոր նյութ է, որը նախատեսված է վնասակար օրգանիզմների, օր.՝ մոլախոտերի, կրծողների, սնկերի, վնասատու միջատների ոչնչացման համար: «Գյուղատնտեսական թունաքիմիկատ»-ը ներառում է վնասատուների դեմ պայքարի նպատակով օգտագործվող մի շարք նյութեր, այդ թվում միջատասպան, մոլախոտասպան, սնկասպան և մկնասպան պատրաստուկներ:Ինչպես պաշտպանվել թունաքիմիկատի վնասակար ազդեցությունիցԹունաքիմիկատներ գնելիս՝Հետևե՛ք թունաքիմիկատի օգտագործման, անվտանգ չափաքանակների ... Մանրամասն

30.06.20 Ուշադրություն. Նորաշեն-Մովսես ավտոճանապարհը վաղը փակ է լինելու

Բերդ համայնքի հարգելի՛ բնակիչներ,

Տեղեկացնում ենք, որ վաղը՝ հուլիսի 1-ին՝ ժամը 07:00-18:00-ն ընկած ժամանակահատվածում, Նորաշեն-Մովսես ավտոճանապարհը փակ է լինելու՝ պայմանավորված ճանապարհի՝ «Տավուշի ՃՇՇ» ՓԲԸ-ի կողմից իրականացվող հիմնանորոգման աշխատանքներով:

Հայցում ենք ձեր ներողամտությունը:

Հարգանքով՝ Բերդի համայնքապետարան

Լուսանկարներրը՝ «Տավուշի ՃՇՇ» ՓԲԸ-ի ֆեյսբուքյան էջից