www.berdcity.am

(+374 267) 2-10-81

       Բերդ (նախկին Շամշադին) բնակավայրը 1921թվականից մինչև 1929 թվականը համարվել է Դիլիջանի գավառի Շամշադին գավառակը: Հայկական ԽՍՀ կենտգործկոմի և ժողկոմխորհի 1930 թվականի օգոստոսի 5-ի որոշմամբ գավառները վերացվեցին:Դիլիջանի գավառը շրջանների տրոհվելուց հետո՝ նրա ժագանգորդներից մեկն էլ 1930 թվականի սեպտեմբերի 9-ին դարձավ Շամշադինի շրջանը: 

     XVI դարից Շամշադին անվանվող բնակավայրը 1990 թվականի նոյեմբերի 11-ին անվանվեց Տավուշի շրջան:1995 թվականի դեկտեմբերի 5-ին Հայաստանի Հանրապետության Ազգային ժողովի ՝ հանրապետության վարչատարածքային բաժանման մասին օրենքով կազմավորվում է Տավուշի մարզը, որը նույնպես կրում է Տավուշ անվանումը:Մարզի Տավուշ անունը պայմանական և կամայական է,քանի որ հայոց պատմության մեջ չի եղել նման անունով վարչատարածքային միավոր, որ երբևէ ընդգրկած լիներ ներկայիս մարզի ողջ տարածքը:

     Բերդ բազմաբնակավայր համայնքը կազմավորվել է 2017 թվականի հունիսի 9-ին՝ ՀՀ Ազգային ժողովում՝ համայնքների խոշորացման օրինագծով:Համայնքի տեղական ինքնակառավարման մարմինների առաջին ընտրությունները կայացել են 2017 թվականի նոյեմբերի 5-ին:

     Համայնքն ընդգրկում է 17 բնակավայր:Վարչական կենտրոնը Բերդ քաղաքն է:Համայնքի կազմում ընդգրկված են հետևյալ բնակավայրերը՝ Բերդ,Այգեպար,Ներքին Կարմիրաղբյուր, Տավուշ, Պառավաքար,Վարագավան,Վերին Ծաղկավան,Չինչին,Իծաքար, Նավուր,Վերին Կարմիրաղբյուր,Նորաշեն,Մովսես,Արծվաբերդ, Չորաթան,Այգեձոր,Չինարի:

   Բերդ համայնքը գտնվում է Հայաստանի Հանրապետության Տավուշի մարզի հյուսիս-արևելյան մասում: Հարավից սահմանակից է Ճամբարակին, արևմուտքից՝ Իջևանին, իսկ հյուսիսից և արևելքից Ադրբեջանին:

  Բերդ համայնքի տարածքի ընդհանուր մակերեսը կազմում է 78528,27 հա: Ռելիեֆը բարդ է, ունի լեռնային ու նախալեռնային մակերևույթ, որը հիմնականում կազմավորվել է երկրաբանական վերջին դարաշրջանի ծալքավորումների ժամանակ: Համայնքի հարավով ձգվում է Միափորի ծալքավոր լեռնաշղթան, որի ամենաբարձր գագաթը Մուրղուզն է (2993 մ): Տարածքի միջին բացարձակ բարձրությունը ծովի մակարդակից 934 մետր է: Ամենացածր կետերն ընկած են ՀՀ պետական սահմանի վրա, գետահովիտներում: Հախումը տարածքի սահմանագիծը հատում է 530 մ, Խնձորուտը՝ 560 մ և Տավուշը՝ 645 մ բարձրության վրա: Համայնքի տարածքը պատկանում է Կասպից ծովի ավազանին: Դեպի հյուսիս և հյուսիս-արևելք հոսում են Կուր գետի աջակողմյան ոչ մեծ վտակները, որոնց սնումը ձնանձրևային է և հորդանում են ապրիլ, մայիս և հունիս ամիսներին: Դրանք են Հախումը, Տավուշը, Խնձորւտը, Ախնջան: Դեռևս խորհրդային շրջանում գետերի վրա կառուցվել են արհեստական լճեր՝ Տավուշի ջրամբար, Խնձորուտի ջրամբար, Հախումի ջրամբար, Քոլագրի ջրամբար:

   Բերդ համայնքն ունի բարեխառն կլիմա, սակավաձյուն է: Աշխարհագրական լայնությունը հնարավորություն է տալիս ստանալու ավելի մեծ քանակի արեգակնային ճառագայթում, կրում է Սև և Կասպից ծովերի մեղմացող ազդեցությունը, Կովկասյան լեռնաշղթան զգալիորեն թուլացնում է հյուսիսային ցուրտ օդային զանգվածների ազդեցությունը և ունի բարեխառն, չափավոր տաք կլիմա: Հանրապետության մայրաքաղաքից հեռու է 202 կմ, մարզկենտրոնից 63,8 կմ:

1.Համայնքում ընդգրկված բնակավայրերը և դրանց հեռավորությունը համայնքի կենտրոնից

Բերդ, Այգեպեր, Ներքին Կարմիրաղբյուր,Տավուշ, Պառավաքար, Վարագավան, Վերին Ծաղկավան,Չինչին, Իծաքար, Նավուր, Վերին Կարմիրաղբյուր, Նորաշեն, Մովսես, Արծվաբերդ, Չորաթան, Այգեձոր, Չինարի

berd.tavush@mta.gov.am

4201 ք.Բերդ,

       Համայնքապետարանն ունի իր պաշտոնական կայքը՝ www.berdcity.am , որի նպատակը բնակչությանը քաղաքի կառավարման վերաբերյալ իրազեկումն է, ՏԻՄ օրենքով ամրագրված հրապարակայնության և թափանցիկության ապահովումը, տեղական իշխանություն - բնակչություն կապի ամրապնդումը և բնակչության շրջանում համայնքային իշխանության նկատմամբ վստահության բարձրացումը: Սակայն կայքում տեղական ինքնակառավարման վերաբերյալ տեղեկատվությունը դեռևս բավարար չէ և կատարվում  են անհրաժեշտ աշխատանքներ կայքի որակն ու օպերատիվությունը բարելավելու նպատակով:

        Բերդի համայնքապետարանը իր գործունեությունը ծավալում է՝ թվով , 3 քաղաքական,  7 հայեցողական պաշտոնների , 60 համայնքային ծառայողների, 26 պայմանագրային աշխատողների , համայնքում գործող համայնքային ենթակայության թվով 18 համայնքային ոչ առևտրային կազմակերպություններ(մանկապարտեզներ,  Բերդի կոմունալ ծառայություն)՝ 340 աշխատատեղով , բյուջետային 4 հիմնարկների(Բերդի Ժիրայր Անանյանի անվան մշակույթի տուն, Բերդի Գնել Մեջլումյանի անվան մարզադպրոց, Բերդի երաժշտական և արվեստի դպրոց, Բերդի գրադարան) ՝ 81 ,  աշխատատեղով: 

Համայնքային ծառայությունն առավել որակյալ դարձնելու համար անհրաժեշտ է՝

.Կազմակերպել ավագանու գործունեությունն առավել արդյունավետ՝ ապահովելով           բազմակարծության և բացարձակ թափանցիկության աշխատանքային միջավայր:

.Համայնքային աշխատողների պարբերական վերապատրաստումներ՝ փոխանակման և փորձի փոխանակման ծրագրեր:

.Թարմացնել համայնքապետարանի կայքը՝ այն դարձնելով ինտերակտիվ՝ բնակչության հետ կապը դարձնելով առավել արդյունավետ:

.Մշակել հասարակական կազմակերպությունների հետ համագործակցության եղանակներ՝ նրանց մտավոր ու նյութական միջոցները նպատակաուղղել համայնքի զարգացմանը:

ԳՅՈՒՂԱՏՆՏԵՍՈՒԹՅՈՒՆ

       Գյուղատնտեսության առաջատար ճյուղը հացահատիկային կուլտուրաների մշակումն է: Բարեխառն կլիման, լեռնաանտառային և լեռնամարգագետային գոտիները բարենպաստ պայմաններ են ստեղծում խոշոր և մանր եղջերավոր անասնապահության, ինչպես նաև խոզաբուծության զարգացման համար: Համայնքում արտադրվում է կաթ, միս, բուրդ, ձու և մեղր: Վերջին տարիներին աճել է բնակչության հետաքրքրությունը մեղվաբուծության և թռչնաբուծության նկատմամբ: Համայնքի հողատարածքները բարենպաստ են հացահատիկային կուլտուրաների մշակության, խաղողագործության և պտղաբուծության համար:

Հիմնախնդիրներ

.Կանոնակարգել հողերի ընթացիկ հաշվառման և ամենամյա հողային հաշվեկշռի կազմման աշխատանքներ:

.Իրականացնել հողերի ընթացիկ հաշվառում:

.Վերահսկել համայնքային գույքի պահպանման և օգտագործման գործընթացը:

Նախատեսվող ծրագրային միջոցառումներ

.Նոր գյուղտեխնիկայի ձեռքբերում:

.Խաղողի այգիների ընդլայնում և նոր տնկիների տեղադրում:

.Նոր սորտի սերմացու(կարտոֆիլ, հացահատիկ, եգիպտացորեն) ձեռքբերում և անմշակ հողատարածքների մշակում:

.Մաքրման և կաթնամթերքի ընդունման կետերի ստեղծում:

ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅՈՒՆ

  Համայնքի վարչական տարածքում չկան աղակալված, հողմնահարված, հողատարած, ճահճաչած, ողողված հողեր: Համայնքում գործում է « Հայանտառ » ՊՈԱԿ - ի Արծվաբերդի մասնաճյուղը, որը բնապահպանական կազմակերպություն է: Համայնքի տարածքում գտնվող արոտավայրերի (ենթալպյան գոտի) արդյունավետ օգտագործումը նպաստում է էկոլոգիապես մաքուր անասնապահական մթերքների արտադրության աճին: Հեռագնա արոտավայրերում կան անասունների ջրման կետեր, որոնք գտնվում են սանիտարական բավարար վիճակում:

      Համայնքում աղբահանությունն իրականացվում է ԳԱԶ - 53 ինքնաթափի, Ս - 40 կցասայլով տրակտորի և ԶԻԼ - 433362 միջոցով: Նախապես կազմած գրաֆիկի համաձայն համայնքում կատարվում է ամենօրյա աղբահանություն: Համայնքում զգացվում է կանաչապատ տարածքները խնամելու և պահպանելու անհրաժեշտություն:

Նախատեսվող ծրագրային միջոցառումներ

.Կանաչապատ տարածքների խնամք և պահպանություն:

.Ջրահեռացման համակարգի բարեկարգում, սելավատարների կառուցում:

.Ոռոգման ցանցի իրականացում, և այլն:

ԱՌԵՎՏՈՒՐ ԵՎ ՍՊԱՍԱՐԿՈՒՄ

         Բերդ համայնքի տարածքում գործում են հասարակական սննդի և առևտրի սրահներ, հանրային սննդի օբեկտներ, բենզինի լցակայաններ, գազի լիցքավորման կետեր:

Հիմնախնդիրներ

.Բավարար հսկողություն չի իրականացվում վաճառվող ապրանքների որակի, ժամկետանց ու խոտան ապրանքների վաճառքի արգելման ուղղությամբ:

.Չկա հսկողություն կենցաղային ծառայությունների ոլորտում:

.Կանոնակարգված չէ բացօթյա առևտուրը, բացօթյա հանրային սննդի և բացօթյա կենցաղային ծառայությունների գործունեությունը, շրջիկ առևտրի կետերի միջոցով իրականացվող վաճառքը, ծաղիկների, ձմերուկի, սեխի, գործարանային փաթեթավորմամբ պաղպաղակի, զովացուցիչ ջրերի բացօթյա վաճառքը:

Նախատեսվող ծրագրային միջոցառումներ

.Առևտրի ծառայությունների ոլորտի օրենսդրական դաշտի կատարելագործման նպատակով առաջարկությունների ներկայացում, այդ թվում՝ առևտրի, հանրային սննդի և սպասարկման ոլորտում գործունեության լրացուցիչ կանոնների և պայմանների մշակում:

.Շաբաթ, կիրակի և տոնական օրերին գյուղատնտեսական արտադրանքի, սպառողական ապրանքների շուկաների, տոնավաճառների կազմակերպում:

.Համայնքի տարբեր մասերում գյուղատնտեսական մթերքների նոր շուկաների կազմակերպում:

.Բացօթյա ապօրինի առևտրի կազմակերպում:

ԿՐԹՈՒԹՅԱՆ ՄՇԱԿՈՒՅԹԻ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԵՏ ՏԱՐՎՈՂ ԱՇԽԱՏԱՆՔՆԵՐ

      Համայնքում գործում են 22 հանրակրթական դպրոցներ, 1 ավագ դպրոց, 1 բազմագործառութային քոլեջ: Դպրոցների շենքերը ջեռուցվում են: Նախադպրոցական դաստիարակությունն իրականացվում է 17 մանկապարտեզների միջոցով, որոնք տեղավորված են տիպային շենքերում: Բերդի երաժշտական և արվեստի դպրոցը տեղավորված է նորակառույց տիպային շենքում: Դպրոցում գործում են դաշնամուրի, քանոնի, շվիի, դհոլի, գունանկարի, գծանկարի, կոմպոզիցիայի, քանդակագործության և ասեղնագործության բաժիններ: Ժիրայր Անանյանի անվան մշակույթի տանը գործում են երգի, պարի, մանկական թատրոնի խմբակներ, ինչպես նաև ժողգործիքների և էստրադային խմբեր: Գրադարանի գրքային ֆոնդը վերջին տարիներին հարստացել է ԿԳՄՍ նախարարությունից, մարզային գրադարանից ստացված գրքերով և անհատական նվիրատվություններով: Քաղաքի Գնել Մեջլումյանի անվան  մարզադպրոց հաճախում են 200-250 պատանիներ և աղջիկներ, որոնք մարզվում են բասկետբոլի, վոլեյբոլի, սեղանի թենիսի, ըմբշամարտի, ֆուտբոլի, «ՈՒ-ՇՈՒ» - ի խմբակներում: Մարզադպրոցը սպորտային միջոցառումների կազմակերպման կենտրոն է:

Հիմնախնդիրներ և ակնկալվոլ լուծումներ

.Բնակչության մեջ արմատավորված չէ ֆիզիկական կուլտուրան և առողջ ապրելակերպը:

.Բարելավել մշաույթի և սպորտի օջախների նյութատեղնիկական բազան, նպաստել մշակույթի և սպորտի զարգացմանը:

.Ստեղծել բավարար պայմաններ երեխաների և համայնքի բնակչության ֆիզիկական դաստիարակության համար: