Այսօր`հոկտեմբերի 26-ին, Բերդի Ժիրայր Անանյանի անվան մշակույթի տանը տեղի է ունեցել հանրային քննարկում` «Վալեքս գրուպ» ընկերությունների խմբի անդամ, «Լեռնամետալուրգիայի ինստիտուտ» ՓԲ ընկերության կողմից Բերդ համայնքի վարչական սահմաններում օգտակար հանածոների արդյունահանման նպատակով երկրաբանական ուսումնասիրության աշխատանքներ իրականացնելու հայտի վերաբերյալ։
Հանրային քննարկմանը ներկա են եղել Բերդ համայնքի ղեկավար Աստղիկ Հակոբյանը, համայնքի ղեկավարի տեղակալները, Տավուշի մարզպետի աշխատակազմի գյուղատնտեսության և շրջակա միջավայրի պահպանության վարչության պետ Վաղարշակ Սուքոյանը, Բերդ համայնքի ավագանու անդամները, բնակավայրերի վարչական ղեկավարները, պետական և հասարակական կառույցների ներկայացուցիչները, համայնքի բնակիչները։
Բերդ համայնքի ղեկավարի տեղակալ Մհեր Պապյանը ներկայացրել է «Լեռնամետալուրգիայի ինստիտուտ» ՓԲ ընկերության ներկայացրած հայտը ստանալուց հետո Բերդի համայնքապետարանի գործողությունները` համաձայն «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի։
«Լեռնամետալուրգիայի ինստիտուտ» ՓԲԸ-ի գլխավոր տնօրեն Սահակ Կարապետյանն անդրադարձել է ծրագրի մանրամասներին։
Այնուհետև իրենց դիրքորոշումն են ներկայացրել Դավիթ Արշակյանը, Անուշ Մարգարյանը, Կամո Չոբանյանը, Անդրանիկ Վիրաբյանը, Լեռնիկ Բաբայանը, Անահիտ Բադալյանը, Արթուր Երկանյանը, Աշոտ Վարդանյանը, Կարեն Դարբինյանը, Անահիտ Մեժլումյանը, Արկադիա Զարգարյանը, Սամվել Սաղոյանը, Արմեն Մելիքյանը, Արմինե Բադալյանը, Արթուր Սաֆարյանը, Օլեգ Դուլգարյանը, Քրիստինա Տեր-Մաթևոսյանը։
Բանախոսները շեշտել են, որ դեմ են ներկայացված ծրագրին` հիմնավորելով իրենց տեսակետը։
Ներկայացված բոլոր կարծիքներն արձանագրվել են։
|