|
01.09.25
Բերդ համայնքի ղեկավար Աստղիկ Հակոբյանի ուղերձը Գիտելիքի և դպրության օրվա կապակցությամբ
|
|
Հարգելի՛ մանկավարժներ, կրթության բնագավառի ներկայացուցիչներ, սիրելի՛ դպրոցականներ և ուսանողներ, Ընդունեք անկեղծ ու ջերմագին բարեմաղթանքներս Գիտելիքի և դպրության օրվա կապակցությամբ: Սա բացառիկ օր է, որն ընդգծում է կրթության անփոխարինելի դերն ինչպես յուրաքանչյուրիս կյանքում, այնպես էլ համայնքի, երկրի կայուն զարգացման գործում։ Թանկագի՛ն մանկավարժներ, Ձեր հոգու անսպառ լույսն ու ջերմությունն անշահախնդրորեն նվիրելով ձեր աշակերտներին` դուք շարունակաբար ձևավորում եք այն սերունդը, որը կկերտի մեր երկրի վաղվա օրը։ Երախտապարտ եմ ձեր անտրտունջ աշխատանքի և անմնացորդ նվիրման համար։Թո՜ղ նոր ուսումնական տարին նշանավորվի ստեղծագործ, արգասաբեր աշխատանքով, մասնագիտական նվաճումներով ...
Մանրամասն |
|
|
18.08.25
Բարի լույս, Այգեձո՜ր. կայանալու է զուռնայի 13-րդ փառատոնը
|
Օգոստոսի 19-ին` ժամը 11:00-ին, երաժիշտ Նորայր Քարտաշյանի նախաձեռնությամբ Այգեձոր գյուղի միջն. դպրոցի բակում արդեն 13-րդ անգամ տեղի է ունենալու «Բարի լույս, Այգեձոր» անվամբ զուռնայի փառատոնը: Փառատոնը կայանալու է Բերդի համայնքապետարանի աջակցությամբ։ Մասնակցեք ամենահիշարժան «Բարի լույս»-ին Այգեձորում` վայելելով հայկական ազգային երաժշտությունը Նորայր Քարտաշյանի և Տորք նվագախմբի կատարմամբ։ |
|
|
16.08.25
կայացել է միջոցառում՝ նվիրված Արշալույս Փոլադյանի ծննդյան 110-ամյակին
|
|
Բերդի համայնքապետարանի նախաձեռնությամբ, Փոլադյանների ընտանիքի աջակցությամբ` այսօր՝ օգոստոսի 16-ին, Բերդի մշակույթի տանը կայացել է միջոցառում՝ նվիրված նախկին Շամշադինի շրջանի ՀԿԿ շրջկոմի 1-ին քարտուղար, պետական-կուսակցական ականավոր գործիչ Արշալույս Փոլադյանի ծննդյան 110-ամյակին:Բացման խոսքով խոսքով հանդես է եկել Բերդ համայնքի ղեկավար Աստղիկ Հակոբյանը՝ նշելով. «Մեր տարածաշրջանն ունեցել է վառ անհատներ, ովքեր դարձել են ժամանակի շարժիչ ուժը, ծաղկեցրել, շենացրել հայրենիքն ու պետությունը՝ անուն ու ժառանգություն թողնելով մեզ և գալիք սերունդներին: Այսօր պատիվ ունենք նշելու մեր համայնքի արժանապատիվ զավակ, նախկին Շամշադինի շրջանի ՀԿԿ շրջկոմի 1-ին քարտուղար, պետական և տնտեսական ականավոր գործիչ Արշալույս ...
Մանրամասն |
|
|
15.08.25
Ներբնակավայրային և դաշտամիջյան ճանապարհների բարեկարգման աշխատանքներ՝ համայքնի բնակավայրերում
|
|
Ներբնակավայրային և դաշտամիջյան ճանապարհների բարեկարգման, հարթեցման և խճապատման աշխատանքները շարունակվում են:
|
|
|
15.08.25
Վերանորոգվել է Նորաշենի խմելու ջրագծի վթարված հատվածը
|
Նորաշենի խմելու ջրագծի՝ «Հասմիկասար» հանդամասի տարածքում գտնվող հատվածում տեղի ունեցած վթարի հետևանքով դադարեցվել էր գյուղի ջրամատակարարումը: Վթարը տեղի էր ունեցել նոր ջրագծի անցկացման աշխատանքների ընթացքում: «Բերդի կոմունալ ծառայութուն» ՀՈԱԿ-ի աշխատակիցների՝ օրեր շարունակ դժվարին պայմաններում իրականացրած աշխատանքների արդյունքում ջրագծի վթարված հատվածը վերանորոգվել է, և առաջիկայում հնարավոր կլինի վերականգնել գյուղի ջրամատակարարումը: |
|
|
14.08.25
Ավարտվել է «1000 Վահան» հիմնադրամի դասընթացը՝ նվիրված հայոց տոնածիսական մշակույթին
|
|
«1000 Վահան» կրթամշակութային բարեգործական հիմնադրամը Բերդ համայնքի 17 բնակավայրերի մշակույթի տների կազմակերպիչների և կրթամշակութային ոլորտում գործունեություն ծավալող ներկայացուցիչների մասնակցությամբ 40-ժամյա դասընթաց է անցկացրել՝ նվիրված հայոց տոնածիսական մշակույթին: Բերդ համայնքի ղեկավար Աստղիկ Հակոբյանը նախաձեռնությունն իրականացնելու համար իր երախտագիտությունն է հայտնել «1000 Վահան» կրթամշակութային բարեգործական հիմնադրամի ներկայացուցիչներին, այնուհետև պարգևատրել շնորհակալագրով՝ Բերդ համայնքում հայոց տոնածիսական ավանդույթների պահպանման և փոխանցման գործում ունեցած ներդրման համար: Ամփոփիչ օրվա ընթացքում հայկական տարազի մասին դասախոսությամբ է հանդես եկել Սարդարապատի ...
Մանրամասն |
|
|
13.08.25
Համայնքի տեխնիկական պարկը համալրվել է նոր, ժամանակակից ամենագնաց ավտոմեքենայով
|
Բերդ համայնքի տեխնիկական պարկը համալրվել է նոր, ժամանակակից ամենագնաց ավտոմեքենայով: Ավտոմեքենան ձեռք է բերվել «Հ. Հովնանյան» ընտանեկան հիմնադրամի, «Ջինջ» ՍՊԸ-ի և Բերդի համայնքապետարանի համագործակցությամբ: Այն զգալիորեն կբարելավի համայնքում կոմունալ-կենցաղային ծառայությունների կազմակերպման գործընթացը: Ամենագնաց ավտոմեքենայի արժեքը 12 900 000 ՀՀ դրամ է, որից Բերդի համայնքապետարանի ներդրումը կազմում է 2 940000 ՀՀ դրամ: |
|
| 1 2 3 4 5 6 7 8 9 10 ... |