Վարչական ակտի ընդունման համար հիմք է հանդիսացել Լևոն Բարիսի Թումանյանի դիմումը՝ ք․ Բերդ, Նորավանի փողոց, 17/1 խանութ հասցեում գտնվող, սեփականության իրավունքով իրեն պատկանող (անշարժ գույքի նկատմամբ իրավունքների պետական գրանցման N. 22052025-11-0048 վկայական) հողամասի սահմանները վերաճշտելու մասին։ Հարցի քննարկման համար հիմք են հանդիսացել ՀՀ կադաստրի կոմիտեի Կ-25062025-11-0031 և Կ-03072025-11-0207 կասեցման որոշումները.

1. Տեղագրական հանույթի ճշգրտումից պարզվել է, որ քննարկվող հասցեում գտնվող հողամասի փաստացի մակերեսը 38․0 քմ է, որքան որ ամրագրված է վերը նշված վկայականում, սակայն առկա է գծային չափերի փոփոխություն, տեղադիրքի շեղում։

2. Քննարկվող՝ 38․0քմ. մակերեսով հողամասն ընդգրկված չէ հողային օրենսգրքի 60-րդ հոդվածի սահմանափակումների ցանկում։

3. Հիմք ընդունելով, որ գույքը ունի վկայական գրանցված դեռևս 2007թ․ից, այսինքն՝ գույքը կադաստրային քարտեզում տեղադրվել է 2005թ. տրամադրված քարտեզների վրա, Կադաստրի կոմիտեի կողմից գույքերի հայտնաբերման և տեղադրման շրջանակում՝ Կադաստրի կոմիտեի համապատասխան ստորաբաժանման կողմից հաշվի առնելով տեղանքի փաստացի չափերը, ինչպես նաև կադաստրային քարտեզում իրար վրա նստող շերտերում, տեսանելի է հողամասի՝ քաղաքացու սեփականություն լինելը հավաստող շերտը։

4. Ղեկավարվելով  ՀՀ կառավարության 29.04.2021թ.  հ․ 698-Ն որոշմամբ՝ սահմանել, որ ՀՀ Տավուշի մարզ, Բերդ համայնք, ք․Բերդ , Նորավանի փողոց 17/1 խանութ հասցեում գտնվող, Լևոն Բարիսի Թումանյանի, Ալվարդ Բարիսի Աբգարյանի ընդհանուր համատեղ սեփականության իրավունքով պատկանող հողամասի փաստացի մակերեսը կազմում է 38․0 քմ, որի սահմանները, գծային չափերը, տեղադիրքը և գործառնական նշանակությունը որոշվում են սահմանված կարգով հաստատված հատակագծով, չափագրման տվյալների մուտքագրման ծածկագիր՝ 2025V382DE։

5.Սույն որոշումից ծագող իրավունքը ենթակա է պետական գրանցման ՀՀ կադաստրի կոմիտեի համապատասխան ստորաբաժանումում։

6. Սույն որոշումն ուժի մեջ է մտնում ստորագրման պահից: