Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետեր, ՀՀ Քաղաքացիական օրենսգրքի 188-րդ հոդվածի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ և 48-րդ կետերի, 2006 թվականի մայիսի 18-ի N 731-Ն և N 912-Ն որոշումներով, հաշվի առնելով, որ նշված կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, կառույցը կառուցված չէ ՀՀ հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, որոշում եմ՝

1.Տավուշի մարզ, Բերդ համայնք, Չորաթան գյուղ, 1-ին փողոց, 48/1 խանութ հասցեում գտնվող և Բերդ համայնքի սեփականություն հանդիսացող 0,00334 հա մակերեսով բնակելի կառուցապատման հողամասում Լեռնիկ Ներսեսի Քալանթարյանի կողմից իրականացված 33,43ք.մ մակերեսով արտաքին չափերով և 27,31ք.մ մակերեսով ներքին չափերով ինքնակամ շինությունները՝ խանութը, մառանը, ծածկերը, ավտոտնակը և պարիսպը համարել Բերդ համայնքի սեփականություն և ճանաչել օրինական, չափագրման մուտքագրման ծածկագիր՝ 2023N5CP2K:  

2.Սույն որոշումից ծագող իրավունքի պետական գրանցման օրվանից 15 աշխատանքային օրվա ընթացքում գրավոր առաջարկություն անել ինքնակամ կառույցն իրականացրած Լեռնիկ Ներսեսի Քալանթարյանին`սույն որոշման 1-ին կետում նշված օրինականացված կառույցները և համապատասխան հողամասը գնման նախապատվության իրավունքով (ուղղակի վաճառք) տրամադրելու շինությունները` 33,43ք.մ մակերեսով արտաքին չափերով և 27,31ք.մ ներքին չափերով՝ 125436/մեկ հարյուր քսանհինգ հազար չորս հարյուր երեսունվեց/ՀՀ դրամ արժեքով, որից՝ 24,0ք.մ մակերեսով արտաքին չափերով և 18,5ք.մ ներքին չափերով խանութը՝ 115776/մեկ հարյուր տասնհինգ հազար յոթ հարյուր յոթանասունվեց/ՀՀ դրամ արժեքով, 0,84ք.մ մակերեսով արտաքին չափերով և 0,6ք.մ ներքին չափերով ավտոտնակը՝ 451/չորս հարյուր հիսունմեկ/ՀՀ դրամ արժեքով, 8,59ք.մ մակերեսով արտաքին չափերով և 8,21ք.մ ներքին չափերով մառանը, ծածկերը և պարիսպը՝ 9209/ինը հազար երկու հարյուր ինը/ՀՀ դրամ արժեքով և հողամասը` 0,00334 հա մակերեսով, 4740 /չորս հազար յոթ հարյուր քառասուն/ ՀՀ դրամ կադաստրային արժեքով:

3.Հողամասի գործառնական նշանակությունը համարել փոփոխված` բնակավայրերի բնակելի կառուցապատման հողերից բնակավայրերի հասարակական կառուցապատման հողերի:

4.Սույն որոշումն ուժի մեջ է մտնում որոշման ընդունման մասին իրազեկելու օրվանից։