Ղեկավարվելով «Նորմատիվ իրավական ակտերի մասին» օրենքի 33-34-րդ հոդվածներով, <<Տեղական ինքնակառավարման մասին>> ՀՀ օրենքի 18-րդ հոդվածի 21-րդ կետով, ՀՀ քաղաքացիական օրենսգրքի 466-469-րդ հոդվածներով, 606-րդ հոդվածի դրույթներով և հիմք ընդունելով Բերդ համայնքի ավագանու 10 հունիսի 2021 թվականի N 62-Ա որոշումը

Համայնքի ավագանին որոշում է՝

1. ՀՀ Տավուշի մարզի Բերդ համայնքի ավագանու 2021 թվականի ապրիլի 22-ի N 56-Ա որոշման մեջ կատարել հետևյալ փոփոխությունները և լրացումը՝

1)որոշման վերնագրի մեջ <<ՀՀ վիճակագրական կոմիտեի Տավուշի մարզային վարչությանը>> բառերը փոխարինել «Հայաստանի Հանրապետությանը» բառերով, իսկ որոշման 1-ին մասում՝ <<ՀՀ վիճակագրական կոմիտեի Տավուշի մարզային վարչության>> բառերը փոխարինել «Հայաստանի Հանրապետության» բառերով և որոշումը շարադրել նոր խմբագրությամբ.

ա)Տալ համաձայնություն Բերդ համայնքի և Հայաստանի Հանրապետության միջև 2012 թվականի ապրիլի 25-ին կնքված անշարժ գույքի վարձակալության պայմանագրում (վավերացված է ՀՀ Տավուշ նոտարական տարածքի նոտարի կողմից սեղանամատյան թիվ՝ 365-ով) կատարելու փոփոխություն.

բ)Բերդ համայնքի սեփականությունը հանդիսացող Լևոն Բեկի 5 հասցեում գտնվող վարչական շենքի նախկինում հատկացված 1-ին հարկի N 3 սենյակի՝ 16.8 ք.մ մակերեսով, N 4 սենյակի՝ 12 ք.մ մակերեսով և N 6 սենյակի՝ 14,91 ք.մ մակերեսով, 43.71 ք.մ ընդհանուր մակերեսով ոչ բնակելի տարածքի փոխարեն հատկացնել Լևոն Բեկի 5 հասցեում գտնվող վարչական շենքի 4-րդ հարկի N 23 սենյակը՝ 10.98 ք.մ մակերեսով, N 24 սենյակը՝ 17,54 ք.մ մակերեսով, N 25 սենյակը՝ 17.54 ք.մ մակերեսով, 46,06 ք.մ ընդհանուր մակերեսով ոչ բնակելի տարածքը:

գ) Վարձավճարի չափ է սահմանվում ամսական 13113 /տասներեք հազար հարյուր տասներեք/ ՀՀ դրամ, որը կազմում է տարեկան 157356/ մեկ հարյուր հիսունյոթ հազար երեք հարյուր հիսունվեց/ ՀՀ դրամ, իսկ վարձավճարի հաշվարկը և վճարումը կատարել 2022 թվականի հունվարի 01-ից:

դ) Անշարժ գույքի վարձակալության պայմանագրի մյուս պայմանները թողնել անփոփոխ և օրենքով սահմանված կարգով կնքել պայմանագրում փոփոխություն կատարելու համաձայնագիր:

2. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: